2016 жылы 4 қарашада 5 сынып оқушылары күзгі демалыс уақытында Петропавл қаласындағы "Тарихи - өлкетану" мұражайына барды. Мұражайда Петропавл қаласының табиғаты туралы сабақ өткізді. Оқушылар қойылған сұрақтарға толық жауап беруге тырысты. Содан кейін мұражайды аралатты. Онда Солтүстік Қазақстан облысының Тәуелсіздік жылдары жеткен жетістіктерінен сыр шертетін 400-ден астам жәдігер мен сурет қойылған. Сондай-ақ маңызды құжаттар, еңбек адамдарының марапаттары мен танымал тұлғалардың жеке заттары да бар. Мұражай қызметкерлері оларды бір жыл бойы жинастырған. Мұражайға бару оқушыларға ұнады.
