Тәуелсіздік бастауы- желтоқсан
Қазақстан Республикасының Тәуелсіздігі Күніне орай Бәйтерек орта мектебі кітапханасында «Тәуелсіздік бастауы- желтоқсан» тақырыбында тарихи сағаты болып өтті.
Бізге тәуелсіздік туын, қазақтың көк байрағын биік көтеріп, ел екенімізді дәлелдеп, дүние жүзіне танылуымызға себеп болған және дүниені дүр сілкіндірген Желтоқсан оқиғасына биыл 29 жыл толып отыр.
«Мен - қазақ, қазақпын деп мақтанамын,
Ұранға «алаш» деген атты аламын» - деп азаттықты аңсаған, сол жолда аянбай қызмет еткен алаш арыстарының барлығы да қуғын – сүргінге ұшырап, Сталиндік қызыл террордың құрбандары болды. Сол алаш қайраткерлерінің азаттық идеясын жалғастырған, қыршын кеткен арыстардың аманатын арқалаған кейінгі толқын іні – қарындастары 1986 жылдың желтоқсанында тәуелсіздік үшін күресе білді.
Тәуелсіздіктің түп тамыры «Желтоқсан» оқиғасына тікелей байланысты екендігіне ешкім дау айта алмас. «Түбін білмеген тексіз» деген қазақтың ғажап сөзі осындайдан шықса керек. Себебі, тәуелсіздіктің түп тамыры сонау бабалар ар – намысынан туындап жатқан жоқ па? Бейбіт шеруге шығып, билік тарапынан кінәлі деп саналған жастарымыздың бір бөлігі қанды қырғында көз жұмса, аман қалғандары өздері аңсаған азаттықтың қызығын көруде. Уақыт емші деп өзімізді жұбатқанымызбен, қыршын кеткен бауырларымыз есімізге түскенде жан – жарасы жаңғырып, қайғының айықпас дертіне шалдыққаныңды терең сезіне түсесің. Қайрат Рысқұлбеков, Ләззат Асанова, Сәбира Мұхамеджанова, Ербол Сыпатаев сынды қандастарымызды естен шығару мүмкін бе?Іс-шараның басты мақсаты – тәуелсіздік тарихына шолу жасап, оқушыларды елжандылыққа, Отансүйгіштікке баулу болды.Кітапханашы А.М.Жаутаева 1986 жылғы желтоқсан оқиғасы, оның қаһармандары Қайрат Рысқұлбеков, Ләззат Асанова, Сәбира Мұхаметжанова, Ербол Сыпатаев және осы тәуелсіздікке жету жолында талай боздақтарымыздың жалған айыппен шейіт болғандары туралы айтып берді. 3-сынып оқушысы Жарқынұлы Сұлтан «Менің Қазақстаным» өленің оқып берді.
Іс- шара соныңда «Тәуелсіздік шыңы» атты кітап көрмесіне шолу жасалды.
Жаңалықты мекеменің сайтында қарау
Жаңалықтар тізіміне көшу
Пікірлер
